ԲԱՐԻ ԳԱԼՈՒՍՏ ԲԵՐՄԱ ՓԲԸ-Ի ՊԱՇՏՈՆԱԿԱՆ ՎԵԲԿԱՅՔ

-ԱՇԽԱՏԱՆՔՈՎ ՁԵՌՔ ԲԵՐՎԱԾ ՎՍՏԱՀՈՒԹՅՈՒՆ
-ԱՇԽԱՏԱՆՔՆԵՐԻ ԿԱՏԱՐՄԱՆ ԲԱՐՁՐ ՈՐԱԿ, ԿԱՐԳԱՊԱՀՈՒԹՅՈՒՆ ԵՎ ԺԱՄԿԵՏՆԵՐԻ  ՆԿԱՏՄԱՄԲ ՄԵԾ ՊԱՏԱՍԽԱՆԱՏՎՈՒԹՅՈՒՆ, ՀԱՐԳԱՆՔ ԳՈՐԾԸՆԿԵՐՆԵՐԻ ՆԿԱՏՄԱՄԲ:

Արդեն 40 տարվա պատմություն ունեցող ընկերությունը ստեղծվել է 1969 թվականին որպես ճանապարհային շինարարության և շահագործման տեղամաս: Մինչև սեփականաշնորհվելը պատկանել է ճանապարհների շինարարության և շահագործման մինիստրությանը: Ընկերությունը իրականացրել է ճանապարհների շինարարություն և շահագործում Մասիսի շրջանի տարածքում: Գործունեության այդ շրջանում ընկերության կողմից կառուցվել են բարձրորակ ճանապարհներ, որոնք ծառայում են մինչ այժմ:
1997 թվականին Մասիսի ՃՇՇՁ բազայի հիման վրա ստեղծվել է «Բերմա» ՓԲԸ-ն: Ընկերությունը կատարում է քաղաքացիական շինարարություն, ասֆալտբետոնի արտադրություն, տրանսպորտային շինարարություն, հարդարման և նորոգման, բարեկարգման և կանաչապատման աշխատանքներ:«Բերմա» ՓԲԸ-ն մասնագիտացված է ճանապարհների, կամուրջների և այլ ճանապարհային հանգույցների շինարարության բնագավառներում:Գործունեության ողջ ընթացքում ընկերությունում աշխատել են գործի գիտակ, բարեխիղճ ու նվիրված կադրեր: ՓԲԸ-ն առանձնանում է աշխատանքի կազմակերպման բարձր մակարդակով և կատարած աշխատանքների որակով:

-«Բերմա» ՓԲԸ-ի առաքելությունն է կառուցել հուսալի և բարեկարգ ճանապարհներ, կամուրջներ, թունելներ և այլ ճանապարհային ինժեներական կառույցներ: Երկարատև  գործունեության ընթացքում «Բերմա» ՓԲԸ ՀՀ ճանապարհաշինարարական առաջատար ընկերության համբավ և հեղինակություն է ձեռք բերել:
Ընկերությունն առանձնանում է աշխատանքի կազմակերպման բարձր մակարդակով և կատարած աշխատանքի որակով: «Բերմա»ՓԲԸ-ի գովազդն իր կատարած աշխատանքներն են: Ընկերության կատարած աշխատանքները բարձր են գնահատվել պատվիրատուների, հսկող կազմակերպությունների և պետական մարմինների կողմից:
Ընկերության կողմից կառուցած, վերանորոգած և բարեկարգած աշխատանքների ցանկում ընդգրկված են ավտոճանապարհներ և մայրուղիներ, քաղաքային փողոցներ, կամուրջներ և թունելներ, թռիչքուղիներ և վազքուղիներ, բակային և արտադրական տարածքներ:
Ընկերությունում աշխատում են գործի գիտակ, բարեխիղճ, կարգապահ մարդիկ, որոնց համար կարևոր է ոչ միայն վաստակը, այլև լավ աշխատանքի միջոցով բարի համբավ թողնելը:

Արհեստավարժ, համապատասխան աշխատանքային փորձ, որակավորում ու հմտություններ ձեռք բերած աշխատակազմի, ինչպես նաև տեխնիկական հագեցվածության շնորհիվ, «Բերմա» ՓԲԸ սեղմ ժամկետում և որակով բավարարում է պատվիրատուների պահանջները:Կառուցել հուսալի, երկարակյաց և գեղեցիկ, սրանցով է առաջնորդվում «Բերմա» ՓԲԸ:
Ընկերությունը միշտ ձգտում է բարձրացնել մասնագետների որակավորումը և ավելացնել տեխնիկական կարողությունները:
Ձեռք բերած հաջողություններով «Բերմա» ն չի սահմանափակվում: Ընկերությանը միշտ հետաքրքրում է համաշխարհային փորձը, նոր նյութերի, սարքավորումների և տեխնիկական միջոցների կիրառումը, ինչպես նաև աշխատակիցների որակավորման բարձրացումը:
Ահա այն երաշխիքները, որոնք ընկերությանը թույլ կտան կառուցել ժամանակակից և միջազգային չափանիշներին համապատասխան ավտոճանապարհներ և միշտ առաջատար դիրք գրավել ճանապարհաշինության ոլորտում: